Ishte shpallur në kërkim ndërkombëtar me qëllim ekstradimi, por është arrestuar një shtetas turk nga policia kufitare.
Kështu policia ka bërë të ditur se ka vënë në pranga 37-vjeçarin Deniz Gun, lindur në Turqi dhe banues në Prishtinë.
Ky shtetas u kap në hyrje të PKK Morinë, ku gjatë regjistrimit në sistem, rezultoi “shtetas i shpallur në kërkim ndërkombëtar”, nga Organet e Drejtësisë Maqedonase.
Autoritetet Gjyqësore Maqedonase, me vendim nr.k.br.846/13, datë më 20.01.2014, e kanë dënuar me 2 vjet burg, për kryerjen e veprës penale “Mashtrim ndaj detyrimeve të shtetit, kryer në bashkëpunim”, të parashikuara nga Kodi Penal Maqedonas.
Njoftimi i policisë
Më datë 30.04.2017, specialistët e Policisë Kufitare Morinë, bënë arrestimin provizor, me qëllim ekstradimi të shtetasit turk, konkretisht:
-Deniz Gun, 37 vjeç, lindur në Turqi dhe banues në Prishtinë, Kosovë.
Ky shtetas u kap në hyrje të PKK Morinë, ku gjatë regjistrimit në sistem, rezultoj “shtetas i shpallur në kërkim ndërkombëtar”, nga Organet e Drejtësisë Maqedonase.
Autoritetet Gjyqësore Maqedonase, me vendim nr.k.br.846/13, datë më 20.01.2014, e kan dënuar me 2 vjet burg, për kryerjen e veprës penale “Mashtrim ndaj detyrimeve të shtetit, kryer në bashkëpunim”, të parashikuara nga Kodi Penal Maqedonas.
Materialet i kaluan Prokurorisë së Rrethit Gjyqësor Kukës, për veprime të mëtejshme.
